Kryeministri italian Giuseppe Conte ka dhënë një mesazh shpresëdhënës, derisa vendi është futur në fazën e fundit të lehtësimit të masave të bllokimit.
“Ne meritojmë të buzëqeshim dhe të jemi të gëzuar pas disa javësh sakrificë të madhe”, ka thënë ai, duke shtuar se tani është koha që Italia të miratojë reformat ekonomike.
Komentet e tij erdhën në të njëjtën ditë që vendi është futur në fazën e fundit të lehtësimit të masave, duke lejuar udhëtimin midis rajoneve dhe hapjen e kufijve të tij ndërkombëtarë.
Me më shumë se 33,600 vdekje dhe gati 234,000 raste të konfirmuara që nga fillimi i shpërthimit të koronavirusit, Italia ka qenë një nga vendet më të goditura.
