Numri i vdekjeve që përfshijnë Covid-19 në Mbretërinë e Bashkuar ka arritur në 47,000, sipas të dhënave më të fundit në dispozicion, raporton Reuters, transmeton lajmi.net.
Në total përfshihen shifrat e reja të botuara të martën nga Zyra e Statistikave Kombëtare që tregojnë se 42.173 vdekje nga koronavirusi ndodhën në Angli dhe Uells deri në 15 maj (dhe ishin regjistruar deri në 23 maj).
Ndërkohë, shifrat e fundit nga National Records of Scotland, botuar javën e kaluar, treguan 3.546 vdekje që përfshijnë Covid-19 ishin regjistruar në Skoci deri në 17 maj.
Dhe shifrat e fundit nga Agjensia e Statistikave dhe Kërkimit të Irlandës Veriore, gjithashtu të botuara javën e kaluar, treguan 664 vdekje që përfshijnë Covid-19 ishin regjistruar në Irlandën Veriore deri në 20 maj.
Së bashku këto shifra nënkuptojnë se deri më tani 46,383 vdekje janë regjistruar në Mbretërinë e Bashkuar, ku Covid-19 u përmend në certifikatën e vdekjes, përfshirë raste të dyshuara.
