Punën e tij si kamerier po e vazhdon pas dy muajve Andi Emra.
Ky dhe të gjithë të tjerët që punojnë në fushën e gastronomisë, nga e hëna, kanë filluar me shërbimin e ushqimit e pijeve të ndryshme, për myshterinjtë, veçse në një formë jo fortë të zakonshme, raporton Front Online.
“Për momentin është vetëm take-away – merre me veti, shërbim nëpër tavolina nuk mund të bëjmë, deri sa të na njoftojnë”, u shpreh ai për Front Online.
E këtë formë të të shërbyerit, Osman Mexhuani, pronar i një lokali në Prishtinë, po e konsideron si diçka të re për kulturën e vendit tonë.
“Sot ia kemi filluar, edhe pse fillimi i vështirë shumë, pas dy muajve me u kthy në punë, e kemi filluar me take-aëay shkaku, nuk e keni si kulturë këtë kafetë me vete, ende nuk ia kthyer njerëzit në punë”, deklaroi ai për Front Online.
E për llojet e kafeve që shërbehet në këto lokale, një qytetare, thotë se e kishte marrë malli shumë.
“Sado që kemi pirë kafe turke, prapë se prapë, na kanë munguar makiatot dhe llojet e tjera të kafeve”, thotë një qytetare për Front Online.
Dikush e ka gjetur mënyrën për ta kompensuar mallin që ndjente për to.
“Po normal që na ka marrë malli shumë si të gjithëve, po provojmë me pi shumë edhe gjatë orarit të punës kur po kemi kohë”, thotë Gamz Gashi, punëtore në kafenenë Dit` e Nat`.
Në fazën e dytë të lehtësimit të masave, janë hapur edhe disa biznese tjera si parukeritë, ordinancat stomatologjike e veprimtari të tjera./Front Online.
