Në IKSHPK, janë testuar 4 mostra nga Komuna e Obiliqit, raste kontakti me personin e infektuar me Covid-19, këto mostra sipas testimeve të bëra në laboratorin e IKSHPK-së, kanë rezultuar negativ.

Pra në Obiliq kemi vetëm një rast me Covid-19.

Kryetari i Komunës së Obiliqit, Xhafer Gashi, ka njoftuar se shtabi emergjent lokal i Obiliqit përmes ekipeve të QKMF-së dhe atyre të Statcionit Policor, janë në gjendje gatishmerinë në ofrimin e çdo lloj ndihme për pacientin e infektuar, duke i dëshiruar shërim sa më të shpejtë.

Kryetari Gashi, ju ka bërë thirrje qytetarëve që të vazhdojnë të qëndrojnë në shtëpi, sepse siç është shprehur dhe ai “ ju jeni arsyeja e parandalimit të këtij virusi! Jemi bashkë në çdo sfidë!”.

Shkrimi i plotë i Kryetarit Gashi:

“Bashkëqytetarë të nderuar,

Ju njoftoj se nga katër mostrat e testuara në laboratorin e IKSHPK-së, raste kontakti me personin e infektuar me Covid-19, kanë rezultuar negativ. Pra, në Obiliq kemi vetëm një rast me Covid-19.

Ne, si shtab emergjent lokal, përmes ekipeve të QKMF-së dhe atyre të Statcionit Policor, jemi në gjendje gatishmerie të ofrojmë çdo lloj ndihme pacientit të infektuar dhe i dëshirojmë shërim sa më shpejtë!

Me shpresë që të mos kemi raste të tjera, ju bëjë thirrje të vazhdoni të qëndroni në shtëpi, të respektoni të gjitha rekomandimet e dhëna nga IKSHPK-ja, ju jeni arsyeja e parandalimit të virusit! Jemi bashkë në çdo sfidë!

Xhafer Gashi”