Lehtësimi i masave të lëvizjes nga Qeveria e Kosovës  ka bërë që qytetarë të shumtë të qarkullojnë nëpër rrugët e qytetit, raporton portali FrontOnline.

Pas largimit të Prishtinës nga karantina, numri i qytetarëve është rritur, kjo ka bërë që të kthehen edhe kolonat e veturave nëpër rrugë.

Disa lexues të portalit kanë treguar se në këto moment ka numër të madh të veturave në rrugën “Ilir Kunushevci” e cila shpine në drejtim të Podujevës.

E lidhur me këtë ka reaguar edhe kryetari i Prishtinës, Shpend Ahmeti.

“Qarkullim shumë i madh i kerreve dhe njerërve në qytet. Përveç që masat nuk janë largu, do të ishte shumë keq në qoftë se këto ditë ndodh ndonjë shpërthim i ndonjë vale të re të infeksionit.

Ju lutem të keni kujdes. Ju lutem mos dilni pa nevojë”, ka shkruajtur ai.