Rusia dhe Irani tentojnë t’ia vjedhin Britanisë të dhënat e vaksinës përmes hakerëve
Institutcionet britanike që po punojnë për zbulimin e një vaksine kundër koronavirusit kanë qenë objekt i sulmeve kibernetike me prejardhje nga Rusia dhe Irani.
Hakerët e lidhur me shtetet që nuk kanë marrëdhënie të mira me Mbretërinë e Bashkuar i vunë në shënjestër universitetet britanike që po kryejën hulumtime për vaksinën kundër virusit, por edhe shkencëtarët dhe mjekët që po e studiojnë sëmundjen e re.
Zyrtarët e Qendrës Kombëtare për Siguri Kibernetike i cilësuan këto sulme si krejtësisht të papranueshme dhe konfirmuan se janë duke punuar vazhdimisht për t’i luftuar këto veprime në internet.
Një burim i sigurisë tha: “Ky problem – vjeldhja e pronës intelektuale dhe vija e turbullt mes shtetit dhe krimit serioz – ka qarkulluar qe një kohë, por tash qartazi ekziston nevoja që t’i mbrojnë asetet tona.”
Sidoqoftë, merret vesh se asnjë sulm kibernetik deri më tani nuk ka qenë i suksesshëm. Ky incident erdhi pas aktiviteteve të ngjashme që u vërejtën javën e kaluar në Shtetet e Bashkuara, shkruan “Daily Mail”, transmeton Gazeta Express.
Drejtori i Qendrës për Siguri dhe Kundërzbulim në ShBA, Bill Evanina, tha se qeveria amerikane i ka paralajmëruar të gjitha organizatat hulumtuese mjekësore për rrezikun që u kanoset nga ky lloj i sulmeve.
