Komuna e Pejës ka arritur shifrën e të prekurve me Coronavirus në 72, raporton Front Online.

Vetëm të dielën në këtë qytet, sipas njoftimit të IShKP-së janë prekur 23 persona me Covid-19.

Drejtori i Shëndetësisë në Komunën e Pejës, Petrit Loci, tha për Front Online se dy pacient nga kjo komunë janë duke u trajtuar në shtëpitë e tyre.

“Janë dy paciente duke u trajtuar ne Kliniken Infektive në QKUK dhe pjesa tjetër janë duke u trajtuar në shtëpitë e tyre në formë të izolimit në gjendje stabile shëndetësore”, . tha ai për Front Online.

Loci tha se gjendja në Pejë është në qetësi relative nën mbikëqyrje të masave të sigurisë, dhe se familjet e të prekurve me Coronavirus janë ndihmuar.

“Gjatë gjithë kohës janë ndihmuar me pako ushqimore dhe higjienike, barna të ndryshme sidomos për fëmijët”, ”, potencoi Loci për Front Online.

Ai tha se gjendja në këtë komunë është e mirë fal furnizimit të bërë nga MSH-ja.

“Gjendja momentale me furnizime është e mirë fal furnizimit nga Ministria e Shëndetësisë dhe mjetet vetanake të komunës. Problem kemi me autoambulanca për shkak te vjetërsisë së tyre dhe nevojës së madhe për transport këtyre ditëve për në QKUK”, përfundoi ai për Front Online.