Presidenti i vendit Hashim Thaçi sot ka pasur një intervenim në Klinikën e Urologjisë në QKUK, pas problemeve me gur në veshka, raporton “Front Online”.

Pas trajtimit ai është liruar për trajtim në shtëpi gjë të cilën e ka konfirmuar vet ai përmes një  postimi në “Facebook”.

“Sapo jam liruar për trajtim në shtëpi, pas një intervenimi që kisha sot në Klinikën e Urologjisë së Qendrës Klinike Universitare të Kosovës. U jam shumë mirënjohës mjekëve dhe stafit për trajtimin profesional. Po ashtu, i falënderoj të gjithë miqtë dhe përkrahësit që më kanë shkruar dhe janë interesuar për gjendjen time shëndetësore”, ka shkruar ai./Front Online/