Sindikata e Policisë së Kosovës ka shprehur ngushëllime për familjen, të afërmit dhe kolegët e zyrtarit policor Altin Kryeziu, i cili ndërroi jetë si pasojë e lëndimeve të marra në një aksident trafiku gjatë kryerjes së detyrës zyrtare.
Përmes një telegrami ngushëllimi, Sindikata ka ndarë dhimbjen me familjen e të ndjerit dhe pjesëtarët e Policisë së Kosovës.
“Me rastin e ndarjes nga jeta të punonjësit policor Altin Kryeziu, Sindikata e Policisë së Kosovës i shpreh familjes së të ndjerit, të afërmve, miqve, kolegëve dhe të gjithë pjesëtarëve të Policisë së Kosovës ngushëllimet më të sinqerta”, thuhet në reagim.
Sindikata ka vlerësuar jetën dhe kontributin e Kryeziut në shërbim të qytetarëve dhe në përmbushjen e detyrës zyrtare.
“Në këto çaste të dhimbjes së thellë, shprehim respektin tonë për jetën dhe kontributin e të ndjerit në shërbim të qytetarëve dhe në përmbushjen e detyrës zyrtare”, thuhet më tej në telegram.
Sindikata e Policisë së Kosovës ka theksuar se i paharruar qoftë kujtimi për të ndjerin Altin Kryeziu.
