Llapi dhe Gjilani do të përballen sot në stadiumin “Zahir Pajaziti” në Podujevë, në kuadër të xhiros së dytë të Superligës së Kosovës. Ndeshja nis nga ora 16:30.

Skuadra e Llapit hyn në këtë takim pas humbjes 5:3 ndaj Dritës në xhiron e parë. Pavarësisht se shënoi tri gola, ekipi nga Podujeva vuajti në fazën defensive dhe mbeti pa pikë.

Në anën tjetër, Gjilani e nisi sezonin me fitore, duke mposhtur Feronikelin ’74 me rezultat 3:1 në udhëtim.

Për Llapin, sfida e sotme është mundësi për reagim dhe për pikët e para të sezonit, ndërsa Gjilani synon ta vazhdojë startin pozitiv dhe të regjistrojë fitoren e dytë radhazi.

Përballja në “Zahir Pajaziti” pritet të jetë interesante, me dy skuadra që hyjnë në fushë me objektiva të ndryshme, por me synimin e njëjtë për rezultat pozitiv./Sinjali