Diaspora e Kosovës dhe roli i saj i vyer në Gjermani, ishte pjesë e diskutimit mes kryeministrit Albin Kurti dhe kryeministrit të Saksonisë së Ulët, Stephan Weil.

Kurti foli edhe për mënyrat e forcimit të marrëdhënieve kulturore dhe ekonomike me Saksoninë e Ulët.

“Sot në Hannover Messe, pata kënaqësinë të takoj Stephan Weil, kryeministër i Saksonisë së Ulët. Diskutuam për kontributet e rëndësishme të diasporës sonë në Gjermani dhe presim me padurim rritjen e lidhjeve ekonomike dhe kulturore ndërmjet Kosovës dhe Saksonisë së Ulët”, ka shkruar Kurti në platformën X.