Ish-ambasador i Shqipërisë në OKB, Agim Nesho ka folur në lidhje me paraqitjen e presidentes së Kosovës, Vjosa Osmani në OKB, duke e quajtur paraqitje të mrekullueshme.
Ai është shprehur se është hera e dytë që e sheh Kosovën, siç tha, në standardet e prezantimit të niveleve më të larta botërore.
“Paraqitja ishte e mrekullueshme, më pëlqeu shumë, është hera e dytë që shikojë një Kosovë në standardet e prezantimit të niveleve më të larta botërore. Si nga kryeministri, ashtu edhe nga presidentja”, u shpreh ai në “Edicionin Special” në Klan Kosova.
Nesho tha se Osmani në diskutimin e sotëm e ka mposhtur komplet presidentin serb, Aleksandër Vuçiq.
“Në takimin e sotëm, dua të them se ajo e mposhti komplet presidentin Vuçiq, i cili u mor me fakte për të sensibilizuar anëtarët e Këshillit të Sigurimit që situata nuk ishte e qëndrueshme, prandaj edhe Serbia ka kërkuar në mënyrë të herë pas herëshme mbledhjen e Këshillit të Sigurimit, për arsye të stabilitet dhe paqes në rajon”.
“Argumentet e tij ranë, për arsye sepse vet diskutimi i presidentes Osmani ishte një rikthim i gjithë situatës së kaluar 25-vjeçare”, u shpreh tutje ai.
