Në sheshin ‘Zahir Pajaziti’ në Prishtinë janë mbledhur qytetarë për të protestuar kundër vrasjes së grave.
Protesta ka nisur në orë 18:00 ndërsa protestuesit po mbajnë në duar pankarta me mbishkrime të ndryshme duke kërkuar drejtësi për Liridona Ademajn.
Qirinj për Liridonën kanë ndezur edhe qytetarë të komunave të ndryshme të vendit.
Karvani i protestuesve do të shkojë fillimisht tek institucioni i Avokatit të Popullit e më pas edhe tek institucionet e tjera, përfshirë edhe ato të drejtësisë.
Dyshohet se deri tek vrasja erdhi pas një inskenim të një grabitje.
Ish-burri i saj, Naim Murseli, dyshohet të jetë organizatori i kësaj ngjarje makabre.
Ai dhe dy të dyshuarit e tjerë, Granit Plava dhe Kreshnik Kokalla, janë arrestuar nga policia.
Ndaj tyre, Gjykata Themelore ua ka caktuar nga një muaj paraburgim.
/Front Online
