Ministrja e Drejtësisë, Albulena Haxhiu ka falënderuar anëtarët e Komisionit për Legjislacion për mbështetjen ndaj projektligjit themelimin e Institutit për krimet e kryera gjatë luftës në Kosovë.
Haxhiu përmes një postimi në Facebook, tha se Qeveria do të vazhdojë punën në hartimin e strategjisë për drejtësi tranzicionale me qëllim të vënies së drejtësisë për krimet e luftës.
Ndryshe sot Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit, ka votuar pro Projektligjit për Institutin e krimeve të kryera gjatë luftës në Kosovë.