Policia në Ferizaj ka njoftuar se kanë pranuar informata se një person në fshatin Prelez të Muhaxherëve posedon armë zjarri.

H.R. të moshës 57 vjeçare i janë gjetur 3 armë zjarri dhe 100 fishekë.

I dyshuari është shoqëruar në stacionin e policisë në Ferizaj dhe pas intervistimit është liruar në procedurë të rregullt hetimore, ndërsa si prova materiale janë sekuestruar armët dhe fishekët.

Njoftimi i plotë:

‘Mbajtje në pronësi, kontroll apo posedim i paautorizuar i armëve’ në Ferizaj

Policia e stacionit në Ferizaj me datën 22.10.2024 rreth orës 20:00 gjatë një hetimi në proces ka pranuar një informacion se në fshatin Prelez i Muhaxherëve të Ferizajt një person posedon armë të zjarrit.

Policët e rendit dhe hetuesit policorë menjëherë janë nisur në atë drejtim dhe tek personi: H.R ( M/K) i moshës 57 vjeçar janë gjetur 3 armë të zjarrit : 1 pushkë automatike, 2 pistoleta dhe 100 fishekë të kalibrave të ndryshëm.

I dyshuari është shoqëruar në stacionin e policisë në Ferizaj dhe pas intervistimit nga policët hetues, me vendim të prokurorit kujdestar nga Prokuroria Themelore në Ferizaj është liruar për procedurë të rregullt hetimore, ndërsa si prova materiale janë sekuestruar armët dhe fishekët.

Rasti është cilësuar” Mbajtje në pronësi, kontroll apo posedim i paautorizuar i armëve”.