Një 51 vjeçare është gjetur e vdekur mëngjesin e sotëm në fshatin Zhdredhë të Gjakovë.
Lajmin për Front Online e ka konfirmuar zëdhënësi i Policisë së Kosovës për Rajonin e Gjakovës, Sheremet Elezaj.
Ai tha se njësitet e nevojshme policore kanë dalë në vendin e ngjarjes, ku edhe kanë konstatuar vdekjen e viktimës.
“Sot kemi pranuar informatë se në fshatin Zhdredhë-Gjakovë, familjarët kanë gjetur viktimën pa shenja jete. Njësitet e nevojshme policore kanë dalë në vendin e ngjarjes si dhe ekipi mjekësorë të cilët kanë konstatuar vdekjen e viktimës femër e lindur në vitin 1972. Në koordinim me prokurorin e shtetit janë duke u ndërmarrë të gjitha veprime e nevojshme hetimore”, u shpreh ai.
Elezaj shtoi tutje se, është iniciuar rast “Hetim i vdekjes” dhe trupi i pa jetë dërgohet në IML për obduksion./Front Online
