×
  • Bota/Rajoni
  • Bota/Rajoni

    239 ekspertë: Coronavirusi rri dhe transmetohet përmes ajrit

    FrontOnline
    05 Korrik 2020

    Coronavirusi po gjen viktima të reja nëpër tërë botën, në kafene, restorante, zyra, shitore dhe kazino, duke rritur infektimet të cilat vazhdimisht e më shumë konfirmojnë atë që shumë shkencëtarë po thonë me muaj: virusi mbetet në ajër në vende të mbyllura, dhe infekton ata që janë aty.

    Nëse transmetimi me anë të ajrit është faktor i madh për pandeminë, posaçërisht në vende të mbushura me njerëz dhe ventilim të dobët, pasojat në përhapje do të jenë të mëdha. Do të kemi nevojë për maska edhe në hapësira të mbyllura, pavarësisht distancimit social. Punonjësit në shëndetësi do të kenë nevojë për maskat N95 të cilat filtrojnë edhe grimcat më të vogla të virusit gjersa kujdesen për pacientët.

    Sistemet e ventilimit nëpër shkolla, shtëpi për të moshuar, banesa dhe biznese duhet të minimizojnë riqarkullimin e ajrit dhe të përdorin filtra të rinj dhe të fuqishëm. Do të kemi nevojë për dritë ultra violete për të mbytur grimcat e vogla të virusit që rrinë pezull në ajër.

    Organizata Botërore e Shëndetësisë qe një kohë të gjatë ka thënë se koronavirusi përhapet kryesisht nga spërklat që dalin nga kanalet e frymëmarrjes, me anë të kollit ose teshtimës, dhe se këto pika shpejtë bien në tokë, transmeton KOHA.

    Por në një letër të hapur dërguar OBSH-së, 239 shkencëtarë nga 32 shtete të ndryshme kanë theksuar dëshmitë që tregojnë se grimcat e vogla të mbetura në ajër infektojnë gjithashtu, dhe i kanë bërë thirrje kësaj organizate që të rishikojë rekomandimet. Hulumtuesit do të publikojnë gjetjet e tyre në një revistë shkencore javën që vjen, shkruan “NYTimes”.

    Edhe në rekomandimet e fundit të dhëna nga OBSH më 29 qershor u tha se transmetimi nëpërmes ajrit ishte i mundshëm vetëm pas procedurave mjekësore ku lirohen grimcat në ajër të cilat janë më të vogla se 5 mikronë.

    Andaj ventilimi dhe maskat N95 janë të nevojshme vetëm në ato situata, sipas OBSH-së. Në vend të kësaj, udhërrëfyesi për ndalimin e infektimeve, para dhe gjatë pandemisë, ka promovuar rëndësinë e larjes së duarve si strategji kryesore të preventivës, edhe pse ka shumë pak dëshmi se transmetimi i virusit vjen nga prekja e sipërfaqeve.

    Por intervistat me afro 20 shkencëtarë, përfshirë edhe shumë këshilltarë të OBSH-së dhe disa anëtarë të komitetit që përpiluan udhëzimet, tregojnë për një organizatë e cila, pavarësisht qëllimeve të mira, nuk është në hap me shkencën, sipas raportimit.

    Përfundimisht, këta shkencëtarë kanë thënë se, pavarësisht a po flasim për udhëtimin e virusit nëpër ajër me anë të pikave të mëdha pas një teshtitjeje, apo nga grimcat shumë më të vogla që dalin nga frymëmarrja e të infektuarit dhe mbesin në ajër, koronavirusi rin në ajër, dhe mund të infekton njerëzit me anë të frymëmarrjes.

    Shume ekspertë kanë thënë se OBSH-ja duhet të marrë një qasje të “parimit të parandalimit”, ku edhe pa dëshmi definitive, agjencia duhet të aplikojë logjikën dhe të rekomandojë mbrojtjen më të mirë të mundur.

    Dr. Soumya Swaminathan, shkencëtarja kryesore e OBSH-së, ka thënë se anëtarët e kësaj agjencie po përpiqen të vlerësojnë dëshmitë e reja shkencore sa më shpejt që është e mundur.

    “Ne e marrim seriozisht kur gazetarët apo shkencëtarët apo kushdo na sfidon dhe na thonë se mund të bëjmë më mire”, tha ajo. “Ne definitivisht duam të bëjmë më mirë”.

    Nga Rubrika
    Lajme14 Gusht 2025
    Liridon Restelica, i njohur për përvojën e tij të gjatë në administratën publike dhe sektorin privat, do të jetë pjesë e Kuvendit...
    Lajme14 Gusht 2025
    Partia e Ramiz Lladrovcit, PDK-RLL ka marrë dritën jeshile për zgjedhjet lokale që do të mbahen më 12 tetor. Kësisoj, ai ka...
    Lajme14 Gusht 2025
    Gjykata Kushtetuese, ka bërë të ditur se vendimi i plotë për çështjen e konstituimit të Kuvendit do të publikohet në faqen zyrtare...
    Të tjera
    Lajme14 Gusht 2025
    Asociacioni i Gazetarëve të Kosovës (AGK) ka shprehur shqetësim për situatën financiare në RTK dhe i ka bërë thirrje Qeverisë që të...
    Lajme14 Gusht 2025
    Prindërit e Astrit Deharit, aktivistit të ndjerë të Lëvizjes Vetëvendosje, i kanë drejtuar me një letër prokurorit të ri të rastit. Me...
    Lajme14 Gusht 2025
    Nëse e ke mendjen te Berlini, qyteti i kontrasteve, i historisë dhei ritmeve moderne – tani është koha e duhur për të...
    Lajme14 Gusht 2025
    Ramadan Morinës, sot iu caktua një muaj paraburgim nga Gjykata Themelore e Prishtinës. Ai dyshohet për krime të luftës në Kosovë, duke...
    Lajme14 Gusht 2025
    Prokuroria Speciale ka ngritur aktakuzë ndaj M.M. dhe A.B. për veprën penale “Nxitje të përçarjes dhe mosdurimit”. Ata akuzohen “se kanë nxitur...
    Lajme14 Gusht 2025
    Pas emërimit të ish-kandidatit të Vetëvendosjes për deputet, Mentor Hyseni, në pozitën e drejtorit të Administratës Tatimore të Kosovës (ATK), ka reaguar...
    -->

    FrontOnline, © 2025 Të gjitha të drejtat e rezervuara.