Presidentja e Republikës së Kosovës, Vjosa Osmani, ka pritur në takim Komandantin e Forcës së Sigurisë së Kosovës, gjenerallejtënant Rrahman Rama dhe gjeneralët e FSK-së.
Osmani i ka ofruar mbështetje FSK-së, duke thënë se ushtria e vendit është e gatshme të ecë në drejtim të anëtarësimit në NATO.
Gjenerallejtënant Rrahman Rama tha se FSK-ja do t’i kryej të gjitha obligimet për anëtarësim në NATO.
“Është obligim i joni që të kemi një bashkëpunim dhe drejt rrugës së tranzicionit, me angazhimin e të gjithëve pa diskutim ne do t’i kryejmë të gjitha obligimet tona dhe faza e tranzicionit është sfidues”, tha Rama./Front Online/