Cristiano Ronaldo është duke shijuar jetën luksoze dhe paraqitjen e tij tek liga arabe me skuadrën Al-Nassr.

Ditëve të fundit, mediat spanjolle kanë raportuar se portugezi është në kërkim të rikthimit në ligat evropiane gjatë sezonit kalimtar veror.

Mirëpo agjencioni “CR7”, ka mohuar raportimet duke insistuar se 38-vjeçari është i lumtur tek liga arabe.

“Mundo Deporitvo” kishte raportuar se Ronaldo nuk është i kënaqur me infrastrukturën  në Arabinë Saudite dhe është shumë afër një transferimi tek skuadra e njohur gjermane, Bayern Munich, shkruan FrontOnline.

Mirëpo siç duket, jo gjë nuk është aspak e vërtetë.

Ronaldo deri më tani ka shënuar 14 gola në 18 ndeshje me fanellën e Al-Nassr.

Al-Nassr aktualisht gjendet tre pikë më pak sesa lideri i ligës arabe, Al-Ittihad, ndërsa lufta për titull është ende hapur. /FrontOnline/