Ditëve të fundit, në mediat spanjolle është përfolur një largim i mundshëm të Jules Kounde nga Barcelona.

Mirëpo një gjë të tillë e ka mohuar i pari i katalunasëve, Xavi, i cili garantoj se francezi do të qëndrojë edhe një sezon, shkruan FrontOnline.

“Kam folur me Kounden dhe u tregova shumë i qartë dhe i drejtpërdrejtë me të. E di që vërdallë ka shumë histori në lidhje me të ardhmen e tij, por di t’ju them me siguri se Kounde u largua i lumtur nga takimi që patëm”.

“Dhe njësoj i lumtur jam edhe unë, nuk ka asnjë problem mes palëve. Biseda ishte e qartë dhe nuk ka më asnjë çështje  për t’u diskutuar”, ka deklaruar Xavi

Sipas mediave spanjolle, 24-vjeçari ka kërkuar të luaj në qendër të mbrojtjes dhe me një gjë të tillë nuk është pajtuar trajneri i Barcelonës, i cili  në shumicën e sezonit e ka lënë të luaj si mbrojtës si djathtë. /FrontOnline/