×
  • Lajme
  • Lajme

    ​Veliu në AKSP, ndjek nga afër trajnimet e kadetëve policorë

    FrontOnline
    16 Korrik 2020

    Në Akademinë e Kosovës për Siguri Publike po vazhdon trajnimi profesional i kadetëve të Policisë së Kosovës, të gjeneratës së 55-të, i cili ishte ndërprerë në mars për shkak të përhapjes së koronavirusit. Është vendosur që trajnimi të bëhet online në pjesën e teorisë, ndërsa pjesa praktike operative po zhvillohet me numër të vogël të kadetëve.

    Praktikat profesionale operative, kadetët në Akademinë Policore të Kosovës po i zhvillojnë në një mënyrë jo të zakonshme.

    Ata po mblidhen në numër të vogël për të ndjekur trajnimin me qëllim të mbrojtjes nga Covid-19. Ndërsa mësimi online aty po zhvillohet rregullisht.

    Me krejt këto është njoftuar për së afërmi sot ministri i Punëve të Brendshme, Agim Veliu, para së cilit, kadetët demonstruan përdorimin e armës, në dhomën simulative për trajnime me armë zjarri.

    Ata kishin përgatitur për ministrin një seancë trajnimi me armë zjarri në vendimmarrje.

    Burgja: Pas trajnimeve, kadeti merr vendim a të përdorë armën

    “Çka do të thotë vendimmarrje, aty është vendimi ku kadeti në bazë të instruksioneve që i ka pasur nga ligjëratat pas një jave të trajnimit merr vendim a me përdorë forcën vdekjeprurëse, armën, ajo shkon në formë profesionale”, shpjegoi përgjegjësi për pajisjet dhe trajnimet, Enis Burgja.

    Ndërsa instruktori Arben Rrustemi tregoi se kadetët policor aftësohen në përdorimin e armës së zjarrit, në teori dhe praktikë.

    Rrustemi: Kadetët policorë aftësohen për përdorimin e armës së zjarrit

    (Video) 3

    “Njësia për armë zjarri mban trajnime dhe aftëson kadetët policorë në përdorimin e armës së zjarrit, në pjesën teorike por edhe pjesën praktike, ndërsa si pajisje e përdorim po ashtu për t’i aftësuar kadetët fillimisht për përdorimin e armës, njohjen mbi të. Pas aftësimit për një periudhë vazhdojmë me pjesën e skenarëve për vendimmarrje”, tha ai.

    Përveç kësaj, ministri Agim Veliu takoi menaxhmentin e akademisë.

    Veliu: Në Akademinë Policore po punohet, kadetët do të dalin të suksesshëm

    “Unë e vërejta se këtu është duke u punuar mjaftë edhe përmes platformave të ndryshme online për pjesën teorike, por edhe për pjesën praktike këtu, pata rast të takohem me kadetët e rinj, u dëshirova sukses në punën e tyre dhe jam i bindur që ata do të arrijnë edhe përkundër këtyre vështirësive që na i imponon Covid-19, do të arrijnë t’i përmbushin me sukses punët dhe detyrat e tyre në mënyrë që t’i presim sa më shpejtë të dalin atje ku e kanë vendin dhe ku do të angazhohen”, tha ai.

    Drejtori i Akademisë së Kosovës për Sigurisë Publike, Ismajl Smakiqi tha se trajnimi profesional i kadetëve të Policisë së Kosovës po vazhdon online, për shkak të situatës së krijuar nga përhapja e virusit, ku është pezulluar mësimi në shkolla e universitete.

    Smakiqi: Trajnimi i ndërprerë në mars po vazhdon online për kadetët e Policisë së Kosovës

    “Është duke u zhvilluar trajnimi profesional i kadetëve të Policisë së Kosovës, gjeneratës 55, siç e dini më 12 mars është ndërpre në javën e 18 ky trajnim për shkak të marrjes së vendimit të qeverisë për ndërprerjen e procesit arsimor, dhe ne që atëherë e ndërpremë, kemi hezituar si të fillojmë, meqenëse kadetët përveç mësimeve të drejtpërdrejta kanë edhe praktika profesionale, operative, dhe në fund vendosëm që të vazhdojë trajnimi online për ketë pjesën teorike, kurse kjo pjesa praktike t’i kthejmë kadetët në një numër shumë më të vogël në mënyrë që të jenë të mbrojtur”, tha ai.

    Ai tha se akademia ka ndërmarrë të gjitha masat mbrojtëse kundër infektimit me Covid-19.

    Nga Rubrika
    Bota/Rajoni20 Gusht 2025
    Një aksident i rëndë rrugor ka ndodhur dje në aksin Fier-Patos, ku një motor është përplasur me një automjet, duke sjellë pasoja...
    Bota/Rajoni20 Gusht 2025
    Një aksident i rëndë trafiku ka ndodhur në orët e para të mëngjesit të së mërkurës në Gjermani, ku një autobus turistik...
    Bota/Rajoni20 Gusht 2025
    Izraeli po studion përgjigjen e Hamasit ndaj një propozimi për një armëpushim 60-ditor dhe lirimin e gjysmës së pengjeve që mbahen ende...
    Të tjera
    Lajme20 Gusht 2025
    Deputetja e PDK-së, Blerta Deliu ka reaguar pas dështimit të Donika Gërvallës për t’u zgjedhur kryetare e Kuvendit, duke kritikuar Lëvizjen Vetëvendosje,...
    Lajme20 Gusht 2025
    Pritjet e gjata në pikat kufitare të vendit sot vetëm se kanë filluar të ndodhin në dalje. Sipas Qendrës Kombëtare për Menaxhimin...
    Lajme20 Gusht 2025
    Eugen Cakolli nga Instituti Demokratik i Kosovës tha se situata e sotme pas aktgjykimit të Gjykatës Kushtetuese është një sfidë e re,...
    Lajme20 Gusht 2025
    Asociacioni i Komunave të Kosovës (AKK) ka reaguar për bllokimin e xhirollogarive bankare të Komunës së Deçanit, duke e cilësuar këtë veprim...
    Lajme20 Gusht 2025
    Në vend ka nisur në fushatë me thirrjen që të mos përdoren armët në ahengje dhe rastet e tilla të raportohen për...
    Kronika20 Gusht 2025
    Mbrëmë rreth orës 22:15 në fshatin Bob të Kaçanikt, policia ka arrestuar një person të kërkuar 24-vjeçar, me inicialet K.Ç. Sipas njoftimit...
    -->

    FrontOnline, © 2025 Të gjitha të drejtat e rezervuara.