Sekretari i përgjithshëm i Ministrisë së Punëve të Brendshme, Lulzim Ejupi priti sot në takim menaxheren e portofolit të Qeverisjes dhe Ndërtimit të Paqes dhe zëvendës koordinatore e Programit të Kombeve të Bashkuara për Zhvillim në Kosovë (UNDP), Marta Gazideda.

Me këtë rast në kuadër të Programit të Sigurisë (KSSP), UNDP i dhuroi donacion MPB-së 300 maska, 500 doreza, 50 litra dezinfektues- rimbushje për bombolat e montuara në mur dhe 160 njësi dezinfektues për duar me pompë.

Ejupi e falënderoi përfaqësuesen e UNDP-së për mbështetjen e vazhdueshme që UNDP ka treguar e sidomos për ndihmën në këtë kohë pandemie.