Ish-trajneri i Belgjikës, Roberto Martinez është emëruar “timonieri” i ri i Portugalisë, ka konfirmuar sot (e hëne) Federata e Futbollit e Portugalisë, raporton FrontOnline.
“E vlerësoj entuziazmin dhe ambiciet me të cilat Martinez e pranoi ftesën”, tha presidenti i FPF-s, Fernando Gomes, shkruan FrontOnline.
“Ky është një moment i rëndësishëm për kombëtaren”, shtoi ai.
Martinez, spanjoll, u largua nga Belgjika pas eliminimit të hidhur nga faza e grupeve të Kupës së Botës “Katar 2022”.
Ai ka drejtuar belgët për gjashtë vjet.
Suksesin më të madh që Martinez e arriti me Belgjikën ishte vendi i tretë në botërorin që u mbajt në Rusi në vitin 2018.
Kështu, Martinez e zëvendëson Fernando Santosin, i cili u largua nga Portugalia pas humbjes shokuese nga Maroku në çerekfinalen e Kupës së Botës “Katar 2022”./FrontOnline/
