Manchester City ka njoftuar për rinovimin e kontratës me Pep Guardiolën edhe për dy vjet, shkruan FrontOnline.
Kjo marrëveshje nënkupton se ai do të mbetet në “Etihad” deri në verën e vitit 2025.
Guardiola ka pasur shumë suksese me “Qytetarët” duke fituar 11 tituj, përfshirë katër të Premierligës.
Nga 374 ndeshje me Manchester Cityn, ai i ka fituar 271 sosh me një përqindje brilante prej 72.4.
“Jam shumë i kënaqur që do të mbetem në Man City edhe për dy vjet tjera. Jam rehat këtu dhe kam gjithçka që më duhet ta bëj punën time”, tha Guardiola mes tjerash./FrontOnline/