Të gjithë e dimë se Zvicra është një vend i shtrenjtë për të jetuar – por ku është vendi më i shtrenjtë në Zvicër?
Sipas një studimi të ri nga banka UBS – do të ishte Këlni (Cologny) në brigjet e Liqenit të Gjenevës.
UBS llogarit pronat që vlerësohen në më shumë se 35,000 CHF për metër katror – duke bërë një shtëpi prej 300 metrash katrorë me vlerë më shumë se 10 milionë CHF, shkruajnë mediat zvicerane, përcjell albinfo.ch.
Kjo është shumë më tepër sesa prona ekuivalente në Liqenin e Cyrihut. Rreth komunave prestigjioze të Zollikon dhe Kilchberg, një shtëpi do të kushtonte 10,000 CHF një metër katror më pak.
Në Ticino, asnjë pronë nuk është mbi 20,000 CHF për metër katror.
Zvicra njihet si një nga shtetet më të shtrenjta në botë për të jetuar, duke marrë parasysh edhe çmimet e pronave, por edhe shpenzimet e jetesës.
Gjithashtu edhe qytetet zvicerane kryesojnë në listat ndërkombëtare, sa i përket qyteteve më të shtrenjta. Cyrihu, Gjeneva, Bazeli dhe Berna renditen në top-5 qytetet më të shtrenjta në botë për të jetuar.
