Rusia duhet të ndalojë së bëri “kërkesa të panevojshme” që zvarritin luftën, u tha presidenti i Ukrainës Volodymyr Zelensky liderëve të BE-së në samitin e sotëm.
“Putini duhet të ndalojë së bëri kërkesa të panevojshme që vetëm e zgjasin luftën dhe duhet të fillojë të përmbushë atë që i premton botës”, thotë Zelensky përmes video-telefonatës, shkruan BBC.
Ai i kërkon botës të vazhdojë presionin ndaj Putinit sepse “një moment ata japin fjalën e tyre dhe disa orë më vonë kjo nuk do të thotë absolutisht asgjë”.
Zelensky gjithashtu thotë se sanksionet kundër Moskës duhet të qëndrojnë në fuqi “derisa Rusia të fillojë të tërhiqet nga toka jonë dhe të kompensojë plotësisht dëmin e shkaktuar nga agresioni i saj”.
Duke folur në një konferencë shtypi, Zelensky kundërshtoi kushtet e Rusisë për një marrëveshje të mundshme paqeje dhe thotë se heqja nga tryeza e anëtarësimit të Ukrainës në NATO është një “dhuratë e madhe për Rusinë”.
