Kryeministri Zoran Zaev tha se nuk do të ketë anulim të sërishëm të regjistrimit të popullisë dhe se i njëjti do të zbatohet në fund të vitit 2021.

“Regjistrimi do të zbatohet në vitin 2021. Pikë. E anuluam në vitin 2020 për vitin e ardhshëm me kërkesë të opozitës qysh para se të paraqitet virusi COVID-19. Ne si shtet zbatuam aktivitete në terren që janë më komplekse dhe më të komplikuara, siç janë zgjedhjet, ndërsa regjistrimin mund ta zbatojmë në prill”, tha Zaev, përcjell Telegrafi Maqedoni.

Ai shtoi se regjistrimi bëhet sipas standardeve të Eurostad ndërsa të njëjtin e zbatojnë institucionet, ndërsa te ne këtë e bën Enti Shtetëror për Statistika.

Ndryshe, Enti Shtetëror për Statistika për zbatimin e regjistrimit të popullsisë do të furnizojë 5.650 laptopë dhe do të shpenzojë 3.2 milionë euro.