Xhiroja e tretë në Superligën e Femrave solli derbin ndërmjet Bashkimit dhe Penzës, ku fitoi skuadra pejane 63:84.
Briana Williams e Penzës kishte 19 pikë, 13 asistime, tri kërcime dhe dy topa të vjedhur, duke e ndihmuar kampionet të shënojnë fitoren e tretë në tri ndeshje, përcjell FrontOnline.
Kështu Williams zgjidhet MVP e xhiros së tretë në Superligës së Femrave.
Ndërkohë, në top 5 hyn edhe Rael Whitsitt e Penzës me 15 pikë e gjashtë kërcime.
Basketbollistja e Trepçës, Ta’Sharra Jeffries zhvilloi një ndeshje të jashtëzakonshme kundër Kastriotit me 65 pikë, 10 kërcime, 10 asistime dhe 22 topa të vjedhur, duke pasur indeksin 79.
Prishtina regjistroi fitoren e tretë, duke mundur Vëllaznimin 54:117, ndërsa u dalluan Agnesa Rrahmani me 29 pikë, katër kërcime dhe katër asistime, si dhe Sarah Mgbeike me 24 pikë, nëntë kërcime dhe katër asistime.
Top 5: Briana Williams dhe Rael Whitsitt të Penzës, Ta’Sharra Jeffries e Trepçës, Agnesa Rrahmani dhe Sarah Mgbeike të Prishtinës./FrontOnline/
