Një person është arrestuar në Vushtrri, pasi i njëjti kishte shtënë me armë në një aheng familjar.

Në cilësi të provave materiale është sekuestruar një armë pistoletë me gaz, prodhim italian e kalibrit 9 mm, një karikator i zbrazët dhe dy gëzhoja.

I dyshuari H.M., 51 vjeçar, shtetas i Republikës së Kosovës, është arrestuar dhe është shoqëruar në stacionin policor ku pas procedurave intervistuese me urdhër të prokurorit kujdestar, është liruar në procedurë të rregullt.

Ndaj tij është iniciuar rasti për veprën penale “Mbajtje në pronësi, posedim, apo kontroll i paautorizuar i armëve” dhe “Përdorim i armës apo mjetit te rrezikshëm”.