Drejtoresha për Ballkanin Perëndimor e Zyrës së Jashtme Gjermane, Susanne Schutz, e ka vlerësuar angazhimin e të dërguarit të posaçëm të Bashkimit Evropian për dialogun Kosovë-Serbi, Miroslav Lajçak.
Ajo ka thënë se është e rëndësishme që të dy palët të angazhohen në dialog.
“E vlerësoj lart Emisarin Lajcak për përpjekjet e Bashkimit Evropian në lidhje me dialogun Kosovë-Serbi. E rëndësishme është që të dy palët të angazhohen plotësisht dhe me mirëbesim”, shkroi ajo në Twitter.
Lajçak mbërriti dje në Kosovë, ku u takua fillimisht me kryetarin e LVV-së, Albin Kurti. Ndërkaq sot, ai e nisi ditën duke u takuar me u.d. të presidentes, Vjosa Osmani në Presidencë. Pastaj, ai u takua me përfaqësuesit e partive tjera politike, PDK, LDK e AAK.
Highly appreciate EUSR Lajcak’s ?? efforts regarding Kosovo-Serbia dialogue. Important that both sides engage fully and in good faith. https://t.co/zYLGNsOPMe
— Susanne Schütz (@GERonWEB) March 2, 2021