Ministri i Punëve të Brendshme, Agim Veliu priti në takim shefin e misionit të OSBE- së në Kosovë, Jan Braathu, ndërsa u diskutua për prioritetet e ministrisë dhe situatën aktuale të ballafaqimit me pandeminë COVID-19.
Ministri Veliu e njoftoi ambasadorin Braathu për të gjitha masat që ka ndërmarrë MPB-ja në luftimin e këtij virusi me qëllim të ruajtjes së shëndetit të përgjithshëm publik.
Ndërsa, në anën tjetër ambasadori Braathu shprehu mirënjohjen e tij për punën që janë duke bërë institucionet e Republikës së Kosovës në luftimin e kësaj pandemie dhe shprehu gatishmërinë e Misionit të OSBE-së në përkrahjen e institucioneve të vendit dhe ministrisë në veçanti.
