Vela kritikon qeverinë e PAN-it, Kosova ka më shumë nevojë për çerdhe e spitale sesa për luks të institucioneve

Analisti Blerim Vela ka reaguar lidhur me ndarjen e 15 milionë eurove për renovimin e objektit të ish-komitetit për nevoja të Presidencës së Kosovës. Sipas Velës, Kosova ka më shumë nevojë për spitale e çerdhe me shërbime cilësore përcjellëse, se sa për luks të institucioneve

Përmes një postimi në Facebook, Vela ka thënë se Qeveria e re LVV dhe LDK duhet të anulojnë këtë projekt absurd që harxhon kot taksat e qytetarëve.

“Kosova ka më shumë nevojë për spitale e çerdhe me shërbime cilësore përcjellëse, se sa për luks të institucioneve”, ka shkruar Vela.

Për këtë çështje ka reguar dje edhe kandidati për deputet nga radhët e Lidhjes Demokratike të Kosovës, Avdullah Hoti.

Hoti ka thënë se nuk mund të rritet komoditeti i zyrtarëve publikë në kurriz të shpenzimeve publike.

Ndryshe, kërkesë për t’u zhvendosur në këtë objekt kishte bërë edhe ish-presidentja Atifete Jahjaga.

Në Presidencë kishin konfirmuar ekzistencën e kërkesës e deponuar në Kryeministri në fillim të vitit 2014, por nga e cila pak kohë më vonë presidentja ishte tërhequr pas përllogaritjes së kostos për rinovimin e objektit.

Blini derivate me çmim të lirë dhe hyni në garë për të fituar banesë, iphone 13 e 19 shpërblime tjera

Sponsoruar