Një vdekje e dyshimtë është raportuar sot në Prishtinë.
Zëdhënësi i Policisë së Kosovës për rajonin e Prishtinës, Agron Borovci, ka thënë se rasti është raportuar rreth orës 08:40.
Ai ka konfirmuar se nga informacionet e para, viktima është i moshës 60-vjeçare, teksa i njëjti është gjetur pa shenja jete në rrugën “Tirana” në Prishtinë.
“Rreth orës 08:40 është raportuar për një person pa shenja jete në rrugën “Tirana” në Prishtinë. Menjëherë pas marrjes së informatës policia ka dalë në vendin e ngjarjes dhe ka ftuar ekipet e mjekëve emergjent të cilët kanë konstatuar se trupi është pa shenja jete. Informacionet fillestare flasin që viktima është një mashkull rreth 60 vjeç. Policia është në vendin e ngjarjes dhe aktualisht po trajton të gjitha rrethanat që karakterizojnë ngjarjen me qëllim ndriçimin e plotë të saj”, ka thënë Borovci.