Shtëpia më e madhe e futbollit evropian, UEFA ka marrë vendim edhe ndaj Polonisë për shkak të incidenteve të krijuara kundër Shqipërisë në stadiumin “Air Albania”.

Polonia është dënuar me 50 mijë franga dhe në sfidën e radhës më 12 nëntor, tifozët polakë nuk do të kenë mundësi të udhëtojnë drejt Andorrës për të ndjekur kombëtaren e tyre, shkruan FrontOnline.

Tifozët e Polonisë kishin hedhur shishe dhe karrige të stadiumit në drejtim të mbështetësve shqiptarë në tribuna.

Kujtojmë se Shqipëria u dënua me 150 mijë frangash si dhe një ndeshje pa praninë e tifozëve, atë ndaj Andorrës që luhet më 15 nëntor në po të njëjtin stadium.

Megjithatë, një video e publikuar në rrjetet sociale ku shihen qartë tifozët polakë duke hedhur shishe drejt tifozëve shqiptarë ka bërë që UEFA të marrë vendimin e drejt.

Ndeshja e zhvilluar më 12 tetor në Tiranë u mbyll 0:1 në favor të Lewandowskit me shokë./FrontOnline/