×
  • Bota/Rajoni
  • Bota/Rajoni

    Turqi, si po përdoret inteligjenca artificiale për lajmet e rreme

    FrontOnline
    29 Shkurt 2024

    Aleatët politikë të presidentit turk, Rexhep Tajip Erdogan duan të rimarrin kontrollin e Stambollit në zgjedhjet lokale të marsit. Mediat e pavarura po paralajmërojnë për taktikat që ata po përdorin, duke përfshirë inteligjencën artificiale dhe videot e rreme në reklamat e fushatës.

    Siç mëson  Zëri i Amerikës nga Stambolli, kundërshtarët thonë se këto janë pjesë e masave të qeverisë edhe për të ndaluar qasjen e njerëzve tek mediat ndërkombëtare.

    Në Turqi, një video e postuar në rrjetet sociale, e krijuar nga inteligjenca artificiale, tregon kryetarin e Bashkisë së Stambollit, Ekrem Imamoglu duke thënë se presidenti turk Rexhep Tajip Erdogan ka bërë punë të mira.

    Sondazhet tregojnë se gara për drejtimin e qytetin, do të jetë e ngushtë dhe mediat e pavarura paralajmërojnë për rrezikun e videove dhe lajmeve të rreme, pasi mediat kryesore, që janë nën kontrollin e qeverisë, nuk po verifikojnë vërtetësinë e videove.

    “Ju mund të krijoni një video të rreme nëpërmjet inteligjencës artificiale dhe më pas ta publikoni si një reklamë fushate. Videot e rreme zakonisht nuk postohen në portalet e lajmeve, por ato arrijnë te miliona njerëz si reklama. Rreth 40 milionë njerëz votojnë në Turqi dhe kur i pyet njerëzit nëse Ekrem Imamoglu i ka thënë në të vërtetë këto fjalë ata thonë ‘po’, për faktin se ata e besojnë këtë video dhe ndjekin mediat kryesore në vend që janë nën kontrrollin e pushtetit”, thotë Hikmet Adal, gazetar në portalin “Bianet”.

    Gjatë zgjedhjeve presidenciale të vitit të kaluar, zoti Erdogan përdori një video që tregonte në mënyrë të rreme kundërshtarin e tij Kemal Kilicdaroglu me udhëheqësit e grupit separatist kurd, i cili po lufton qeverinë turke.

    Grupet e të drejtave paralajmërojnë se media e pavarur turke po përballet gjithnjë e më shumë me një tjetër kërcënim të ri.

    “Ligji i ri kundër dezinformimit bëri që të nisin shumë hetime dhe të ketë shumë ndjekje penale për gazetarët”, thotë Yaman Akdeniz, nga Shoqata e Lirisë së Shprehjes.

    Akuzat e ngritura ndaj mediave në Turqi, në bazë të ligjit të ri, të ashtuquajtur kundër dezinformimit, kanë bërë që burimet ndërkombëtare të lajmeve të jenë thelbësore për ekspozimin e lajmeve të rreme.

    Autoritetet turke po bllokojnë qasjen në internet për burimet e huaja të lajmeve si Deutsche Welle dhe Zëri i Amerikës, të cilat transmetojnë në turqisht. Këto media mund të lexohen vetëm duke përdorur një rrjet privat virtual, i njohur si VPN, i cili anashkalon masat ndaluese.

    “Kufizimi i qasjes në internet është i njëjtë për regjimet dhe qeveritë autoritare. Dhe kështu, ne shohim në të gjithë botën një rritje të përdorimit të VPN, veçanërisht në vende si Turqia”, thotë Antonio Cesarano, nga kompania “Proton” që ofron internet të sigurt për njerëzit në Turqi.

    Por tani, autoritetet turke po kufizojnë gjithashtu disa nga rrjetet që ofrojnë VPN-të më të përdorura.

    Zoti Cesarano e quan atë si një lojë mes qeverisë dhe kompanive që të vazhdojnë të investojnë në teknologji, që mund t’i lejojnë njerëzit të kenë qasje në internet pa censurë.

    Ndërkohë mediat e pavarura paralajmërojnë se po përballen me një betejë të humbur në verifikimin e lajmeve të rreme…

    “Ne si media nuk mund të luftojmë me lajmet e rreme, pasi ekipet tona janë shumë të kufizuara: 20 persona, ndoshta 15 persona. Ky është numri maksimal i një redaksie. Por ata kanë një ushtri nga pas”, thotë Hikmet Adal, gazetar në portalin “Bianet”.

    Me sondazhet që tregojnë se zgjedhjet e Stambollit do të jenë një garë e ngushtë, analistët paralajmërojnë se rreziku i lajmeve të rreme ka të ngjarë të rritet, duke rritur edhe më shumë trysninë mbi mediat e pavarura./VOA

    Punimet në rrjet, KEDS njofton për vendet që s’do të kenë rrymë
    Nga Rubrika
    Bota/Rajoni07 Shtator 2024
    Ministri i Punëve të Brendshme i Serbisë, Ivica Daçiq, është nisur për një vizitë zyrtare në Kinë të shtunën. Ministria e Punëve...
    Bota/Rajoni07 Shtator 2024
    Kryeministrja italiane Giorgia Meloni u zotua për mbështetje të palëkundur për Ukrainën pas një takimi me Presidentin Vladimir Zelensky të shtunën, për...
    Bota/Rajoni07 Shtator 2024
    Ish zëvendës presidenti amerikan, republikani Dick Cheney, ka konfirmuar votën e tij për kandidaten demokratike Kamala Harris në zgjedhjet presidenciale të nëntorit....
    Të tjera
    Bota/Rajoni07 Shtator 2024
    Ministri i Punëve të Brendshme i Serbisë, Ivica Daçiq, është nisur për një vizitë zyrtare në Kinë të shtunën. Ministria e Punëve...
    Lajme07 Shtator 2024
    Brenda më pak se 10 ditësh, përfaqësuesi i Gjermanisë për Ballkanin Perëndimor Manuel Sarrazin vizitoi dy herë Kosovën. Herën e dytë foli...
    Lajme07 Shtator 2024
    Djali i komandantit legjendar, Adem Jashari, Lulzimi është shtruar në Klinikën e Kardiologjisë. Lajmin e ka ndarë përmes një postimi në Facebook...
    Sport07 Shtator 2024
    Pjesa e parë e ndeshjes ndërmjet Ukrainës dhe Shqipërisë, e cila po zhvillohet në Pragë, përfundoi pa gola. Shqipëria pati disa raste...
    Lajme07 Shtator 2024
    Tre pushues humbën jetën në plazh këtë të shtunë, dy prej tyre janë kosovarë. Rreth orës 14;50, në lagjen 13 në Durrës,...
    Lajme07 Shtator 2024
    Veprimet e vazhdueshme të Serbisë në raport me Kosovën, sikurse edhe akti i fundit duke bllokuar rrugët në vendkalimet kufitare nuk kanë...

    FrontOnline, © 2024 Të gjitha të drejtat e rezervuara.