×
  • Bota/Rajoni
  • Bota/Rajoni

    Tubim masiv në Podgoricë, malazezët në “mbrojtje të pavarësisë”

    FrontOnline
    06 Shtator 2020

    Në Sheshin e Pavarësisë në Podgoricë po mbahet “tubim patriotik”, për siç thanë organizatorët, mbrojtjen e Malit të Zi si shtet të pavarur.

    Qytetarët nga komunat e tjera kanë arritur në kryeqytetin malazez, ku dhe u krijuan kolona të gjata veturash, që bartnin protestuesit.

    Tubimi, siç u tha, u organizua nga një grup i organizatave patriotike malazeze. Policia nuk tha nëse është lejuar ky tubim dhe cilat janë organizatat patriotike që qëndrojnë pas këtij organizimi.

    Ftesë për dalje në këtë tubim ka bërë Partia Demokratike e Socialistëve, e presidentit malazez, Millo Gjukanoviq, përmes platformave zyrtare të partisë.

    Më 1 shtator, zëdhënësi i kësaj partie, Millosh Nikoliq tha se partia nuk ishte organizatori i tubimit, por se ishin “organizata të caktuara patriotike” që nuk ishin të lidhura me partinë.

    Koalicioni opozitar “Për Ardhmërinë e Malit të Zi”, i udhëhequr nga Fronti Demokratik pro-serb, tha më 5 shtator se, sipas informacioneve që posedojnë, incidente me “pasoja tragjike” mund të ndodhin në “tubimin patriotik” dhe se udhëheqësit e ndërmarrjeve publike dhe ata që janë pranë Partisë Demokratike e Socialistëve, “po detyrojnë punonjësit të marrin pjesë në tubim”. Koalicioni u bëri thirrje mbështetësve të tij që të qëndrojnë në shtëpi.

    Të dielën, drejtoria e policisë njoftoi se nuk kishte ndonjë informacion se mund të kishte incidente ose prishje të rendit dhe paqes në tubimin në Podgoricë.

    Një tubim i ngjashëm u organizua më 3 shtator në Cetinje. Ky është tubimi i dytë që po mbahet në Podgoricë që nga zgjedhjet e 30 gushtit, në të cilin partia e Millo Gjukanoviqit humbi shumicën e saj në parlamentin malazez pas 30 vjetësh.

    I pari u mbajt para Kishës së Ringjalljes së Krishtit, gjatë kremtimit të fitores zgjedhore të opozitës, në natën e 1 shtatorit, ku të pranishmit mbajtën flamuj dhe kënduan këngë serbe dhe brohoritën për Serbinë dhe Kosovën.

    Gjatë festimit të fitores zgjedhore të tre koalicioneve opozitare, policia raportoi për rritje të incidenteve dhe tensioneve ndëretnike, veçanërisht në Plevle.

    Opozita akuzoi policinë dhe partinë e Gjukanoviqit se ishin prapa provokimeve të incidenteve, në mënyrë që t’i jepnin një kontekst negativ fitores së opozitës në zgjedhjet e 30 gushtit, por një akuzë e tillë, u hodh poshtë nga partia e Gjukanoviqit.

    Komisioni Shtetëror i Zgjedhjeve ka shpallur rezultatet paraprake të zgjedhjeve parlamentare të mbajtura në 30 gusht. Tri koalicionet e opozitës fituan më shumë se gjysmën e vendeve në përbërjen e ardhshme të parlamentit të Malit të Zi.

    Nga 81 vende, Partia Demokratike e Socialistëve e drejtuar nga Millo Gjukanoviq fitoi 40 vende me partitë e pakicave dhe partnerët tradicionalë, ndërsa tre parti të opozitës fituan 41 vende.

    Nga Rubrika
    Bota/Rajoni15 Mars 2025
    Studentë dhe qytetarë kanë mbërritur në Beograd që herët në mëngjes, në një protestë të madhe nën sloganin “15 për 15” që...
    Bota/Rajoni15 Mars 2025
    Presidenti i ShBA-së, Donald Trump, i ka vlerësuar si “të mira dhe produktive” bisedimet e zhvilluara me presidentin rus Vladimir Putin mbi...
    Bota/Rajoni15 Mars 2025
    Presidenti serb Aleksandar Vuçiq mbrëmë iu drejtua publikut një ditë para protestës së madhe të paralajmëruar për sot në Beograd në lidhje...
    Të tjera
    Vip14 Mars 2025
    Ish-banorja e Big Brother VIP Kosova, Anisa Veseli, ka rrëfyer për emisionin “Piranjat” se është mashtruar dhe abuzuar nga klinika mjekësore Apluss...
    Lajme14 Mars 2025
    Lista prej qindra dëshmitarëve, në procesin gjyqësor ndaj ish-krerëve të UÇK-së, në Dhomat e Specializuara për Kosovën, po shkon drejt përmbylljes. Deri...
    Lajme14 Mars 2025
    Kryetari i PSD’së, Dardan Molliqaj ka theksuar se opozita nuk ka mundësi për të formuar një qeveri, pasi partitë opozitare, përveç Nismës,...
    Lajme14 Mars 2025
    Ish-nënkryetari i OVL-UÇK’së, Nasim Haradinaj me anë të disa vargjeve ka kujtuar vizitën e djeshme të ish-presidentit Hashim Thaçi, ku vizitoi babanë...
    Bota/Rajoni14 Mars 2025
    Një ngjarje e rëndë ka ndodhur para pak minutash në Vlorë, ku një grua nën ndikimin e alkoolit e ka përplasur disa...
    Bota/Rajoni14 Mars 2025
    Presidenti francez Emmanuel Macron i ka bërë thirrje Rusisë që të pranojë propozimin e armëpushimit 30 ditor. Macron ka nënvizuar se ka...
    -->

    FrontOnline, © 2025 Të gjitha të drejtat e rezervuara.