Deputetja e Kuvendit të Kosovës, nga radhët e AAK-së, Time Kardijaj, ka reagur për çmimet e larta të testit Covid-19.

Ajo ka thënë se iu ka gëzuar faktit që është dhënë mundësia që testet të bëhen edhe ne labaratore private.

Mirëpo, sipas Kadrijajt, çmimin e testeve duhet ta caktojë Ministria e Shëndetësisë, në mënyrë që të mos abuzohet me çmime.

“Kur u mor vendimi që të licencoheshin laboratorët private për teste, e kemi mirëpritur sepse sado kudo, qytetarët që kishin dyshime, do ta kishin më të lehtë për ti bërë testet. E kam thënë në një seancë në Parlamentin e Kosovës, se Ministria e Shëndetësisë duhet njëkohësisht të caktoj çmimin e testeve. Çmimi duhet të jetë i njëjtë, e jo ta caktojnë pronarët sipas dëshirave. Andaj, duhet të aktivizohen të gjitha mekanizmat: MSH, Inspektorati Shëndetësor që t’a ndalin këtë abuzim”, ka shkruar ajo.

Më tej Kardijaj ka thënë se të gjithë ata që kanë abuzuar me çmime të testeve duhet të gjobiten dhe të ju revokohet licenca.

Postimi i plotë:

Fillimet e para me Covid ishin të vështira e sidomos bërja e testeve.

IKSHP ishte i vetmi institucion ku bëhëshin testet dhe po ashtu kerkesat e qytetarëve ishin të shumta.

Kur u mor vendimi që të licensoheshin laboratorët private për teste, e kemi mirëpritur sepse sado kudo, qytetarët që kishin dyshime, do t’a kishin më të lehtë për ti bërë testet.

E kam thënë në një seancë në Parlamentin e Kosovës, se Ministria e Shëndetësisë duhet njëkohësisht t’a caktoj çmimin e testeve.

Çmimi duhet të jetë i njëjtë, e jo t’a caktojnë pronarët sipas dëshirave.

Andaj duhet të aktivizohen të gjitha mekanizmat: MSH, Inspektorati Shëndetësor që t’a ndalin këtë abuzim.

Ata që abuzojnë me çmime të gjobiten por edhe të ju revokohet licenca.

Është periudhë ku duhet të jemi solidar e jo abuzues.

Stop keqpërdorimeve!

TK