Fluminense ka zyrtarizuar rikthimin e Thiago Silvas.
Qendërmbrojtësi brazilian po rikthehet te klubi nga i cili u largua përfundimisht në vitin 2009.
Silva kështu i jep fund aventurës evropiane te Chelsea. Ai më herët kishte luajtur edhe te Milani e Paris Saint-Germaini.
39-vjeçari me Fluminensen ka nënshkruar kontratë të vlefshme deri në verën e vitit 2026.
Thiago Silva do të mbajë fanellën me numrin 3.
Ai do t’i bashkohet Fluminenses pasi të ketë mbyllur sezonin me Chelsean.