Sot është ndarë nga jeta aktori i njohur Adem Mikullovci, dhe i cili një pjesë të jetës së tij ia kishte dedikuar edhe politikës, duke qenë delegat që votoi Deklaratën Kushtetuese të 2 korrikut më 1990, si dhe deputet në legjislaturën e kaluar të Kuvendit të Kosovës.

Për ndarjen nga jeta të Mikullovcit, ka shkruar edhe presidentin i vendit Hashim Thaçi, duke thënë se kontributi i tij në art, kulturë dhe politikë do të kujtohet përgjithmonë.

Njoftimi i plotë i presidentit:

Sot qenka ndarë nga jeta aktori i njohur Adem Mikullovci. Edhe si aktor, edhe si delegat që votoi Deklaratën Kushtetuese më 2 korrik dhe Kushtetutën e Kaçanikut më 7 shtator 1990, por edhe si deputet i Kuvendit të Republikës së Kosovës, ai gjithnjë ishte në shërbim të interesit publik dhe vendit tonë. Kontributi i tij në art, kulturë dhe politikë do të kujtohet përgjithmonë. Ngushëllime familjes Mikullovci dhe të gjithë artdashësve, miqve dhe të afërmve të tij! HTH