Trajneri i Ulpianës, Edlir Tetova e ka komentuar fitoren e sotme ndaj Malishevës, shkruan FrontOnline.
Pas humbjes 0:6 nga Llapin në mesjavë, sot Ulpiana fitoi 1:2 ndaj Malishevës në udhëtim.
Pas ndeshjes, Tetova u shpreh tejet i lumtur.
“Jam i lumtur me këtë fitore, kishim vështirësi ku i lejuam kundërshtarit hapësirë por në fund fituam”, ka thënë Tetova.
“Atëherë, pas disfatës së madhe kemi punuar në anën psikologjike me lojtarët dhe reagimi i tyre ishte në fushën e lojës, kështu që i përgëzojë djemtë”, tregoi ai.
“Përbërja e lojtarëve është problem për ne, jemi të detyruar që të luajmë me lojtarët e njëjtë. Kishim mungesa të Egzonit dhe Rapucës, të cilët ishin me kartona. Avash avash dhe hap pas hapi do kërkojmë fitoret në shtëpi”, shtoi Tetova./FrontOnline/
