Policia e Kosovës gjatë ditës së djeshme ka arrestuar një person në Istog për shkak të veprës ‘Sulm ndaj personit zyrtar në kryerje të detyrës’.
Sipas raportit 24-orësh të policisë, ngjarja ka ndodhur saktësisht në fshatin Gurrakoc rreth orës 2:15 të mëngjesit.
“Është arrestuar i dyshuari mashkull kosovar, pasi që i njëjti në gjendje të dehur, ka sulmuar fizikisht zyrtarët policorë. Nuk raportohet për lëndime”, thuhet në raport.
Me vendim të prokurorit, i dyshuari është liruar dhe rasti ka shkuar në procedurë të rregullt.