×
  • Bota/Rajoni
  • Bota/Rajoni

    Suedia drejt anëtarësimit në NATO pas ratifikimit nga Hungaria

    FrontOnline
    27 Shkurt 2024

    Suedia pritet të bëhet zyrtarisht anëtare e NATO-s në ditët apo javët në vazhdim, pasi të hënën dha miratimin edhe vendi i fundit anëtar, Hungaria.

    Analistët thonë se Suedia sjell kapacitete të rëndësishme në aleancën ushtarake perëndimore.

    Një shtizë flamuri qëndron bosh në shtabin e NATO-s në Bruksel, në pritje të ngritjes së flamurit të Suedisë.

    Pengesa e fundit ndaj anëtarësimit të Suedisë u kalua të hënën, ndërsa ligjvënësit hungarezë votuan për ta ratifikuar kërkesën, mbi 600 ditë pasi ishte paraqitur.

    “Bashkëpunimi ushtarak Suedi-Hungari dhe anëtarësimi i Suedisë në NATO do të forcojë sigurinë e Hungarisë”, deklaroi kryeministri hungarez Viktor Orban.

    Hungaria u bë vendi i fundit anëtar i NATO-s që ratifikoi kërkesën e Suedisë, që ishte paraqitur së bashku me Finlandën në maj 2022, tre muaj pas sulmit frontal të Rusisë në Ukrainë.

    Zoti Orban e kishte shtyrë votimin për shkak të kritikave të Suedisë për hapat pas të demokracisë në Hungari. Por, vizita të premten e kryeministrit suedez Ulf Kristersson në Budapest dhe blerja nga Hungaria e katër avionëve luftarakë suedezë të tipit Gripen, arritën t’i tejkalojnë tensionet. Kryeministri suedez Kristersson tha se kjo ishte “një ditë historike”.

    Suedia pritet të anëtarësohet zyrtarisht në NATO gjatë javëve në vazhdim, duke ndryshuar kështu politikën e saj prej dekadash për neutralitetin ushtarak.

    “Është copëza e fundit që e bën të plotë pozicionin e NATO-s në rajonin Nordik-Balltik. Suedia fiton më shumë siguri brenda grupit dhe mbështetje nga kapacitetet bërthamore të Amerikës”, thotë Robert Dalsjo, nga Agjencia Suedeze për Studimet e Mbrojtjes.

    Suedia sjell gjithashtu kapacitete të vlefshme ushtarake në aleancë.

    “Kemi forca ajrore moderne, me avionët Gripen. Kemi nëndetëse të shkëlqyera, të përshtatura posaçërisht për kushtet e Detit Balltik. Kemi një marinë të vogël, por moderne dhe në tokë kemi kapacitete për zonën arktike”, thotë zoti Dalsjo.

    Letonia, Lituania dhe Estonia shikohen gjerësisht si vendet e NATO-s më të ekspozuara ndaj një sulmi të mundshëm të Rusisë. Futja e Finlandës dhe Suedisë në aleancë krijon një masë të fuqishme parandaluese, thonë analistët.

    “Mundëson mbrojtjen e Letonisë, Lituanisë dhe Estonisë nga drejtime të ndryshme. Do të bëhen të mundur operacione shumë të mëdha, të kombinuara, operacione ajrore nga Finlanda e veriut dhe Suedia veriperëndimore, me të dyja këto vende që janë tashmë anëtare të NATO-s, diçka që nuk ishte e mundur deri një vit më parë”, i tha Zërit të Amerikës, Charly Salonius-Pasternak, nga Instituti Finlandez për Çështjet Ndërkombëtare.

    Një ceremoni anëtarësimi pritet të mbahet në ditët në vazhdim pasi të përfundojnë formalitetet. Sekretari i Përgjithshëm i NATO-s, Jens Stoltenberg tha të hënën se anëtarësimi i Suedisë “do të na bëjë më të fortë dhe më të sigurtë”.

    Rusia nuk reagoi menjëherë. Në të kaluarën është shprehur se anëtarësimi në NATO do ta bënte Suedinë “një objektiv legjitim për masat në kundëpërgjigje të Rusisë”./VOA

    Punimet në rrjet, KEDS njofton se këto vende do të mbesin pa rrymë
    Nga Rubrika
    Bota/Rajoni13 Prill 2024
    Holanda do të mbyllë ambasadën e saj në Teheran të Iranit, nesër si një masë paraprake. Kështu tha Ministria e Jashtme holandeze,...
    Bota/Rajoni13 Prill 2024
    Një person ka humbur jetën dhe 10 të tjerë janë plagosur pasi një kabinë e teleferikut u përplas me një shtyllë të...
    Bota/Rajoni13 Prill 2024
    Qeveria e Gjermanisë do ta furnizojë Ukrainën me një tjetër sistem ajror për mbrojtje ajrore, Patriot, teksa ajo përballet me luftën e...
    Të tjera
    Sport13 Prill 2024
    Synimi i Tottenham për të siguruar një vend në Champions League është goditur të shtunën kur "Spurs" është mposhtur në një ndeshje në "St James`...
    Lajme13 Prill 2024
    Kryetari i Aleancës për Ardhmërinë e Kosovës (AAK), Ramush Haradinaj, ka kujtuar sot masakrën e Llashticës së Gjilanit në 25-vjetorin e saj....
    Ekonomi13 Prill 2024
    Aleanca Kosovare e Bizneseve-AKB, Ministria e Punëve të Brendshme e Kosovës dhe Organizata ekonomike SHRBSH nënshkruan Memorandum Bashkëpunimi mes vete me qëllim...
    Bota/Rajoni13 Prill 2024
    Qeveria e Gjermanisë do ta furnizojë Ukrainën me një tjetër sistem ajror për mbrojtje ajrore, Patriot, teksa ajo përballet me luftën e...
    Bota/Rajoni13 Prill 2024
    Shefi i Departamentit policor në Paris, Laurent Nunez, ka thënë se shkalla e krimit ka rënë në mënyrë të konsiderueshme rreth Kullës...
    Bota/Rajoni13 Prill 2024
    Zyra për Kosovë në qeverinë e Serbisë, ka reaguar sot naj autoriteteve kosovare, për arrestimin e kryesit të veprave penale, serbit, Sreçko...

    FrontOnline, © 2024 Të gjitha të drejtat e rezervuara.