×
  • Lajme
  • Lajme

    “Stërvitjet ushtarake të Serbisë”, Gashi: Mesazhi bazë është demonstrimi i forcës

    FrontOnline
    19 Prill 2024

    Ish-ministri i Punëve të Brendshme, Bejtush Gashi ka thënë se stërvitjet ushtarake të Serbisë, të quajtura “Vorbulla 2024”, paraqesin shqetësim për institucionet e Kosovës dhe për popullatën civile por jo edhe shqetësim për aspektin e përgjithshëm të sigurisë.

    Në emisionin “FIVE”, Gashi ka thënë se mesazhi bazë i këtyre stërvitjeve është demonstrimi i forcës dhe shkathtësive operative.

    “Mesazhi bazë është demonstrimi i forcës, shkathtësive operative dhe reagimit në situata të nevojshme për operim, ky demonstrim i forcës i referohet opinionit të brendshëm dhe ndërkombëtar për fuqinë që ka Serbia në veprimin operativ. Ky nuk duhet të jetë shqetësim vetëm për Kosovën, Serbia këtë strukturë i ashtuquajtur projekt i 5000-të, është projekt që shteti që ka investuar më shumë, janë duke u testuar sisteme dhe armatime që Serbia i ka në dispozicion të këtyre njësive”, ka deklaruar Gashi.

    Edhe ish-ushtaraku, Ismet Ibishi ka thënë se këto stërvitje ushtarake të Serbisë kanë si mesazh në mënyrë indirekte demonstrimin e forcës.

    Ai si shqetësim ka ngritur edhe situatën në Mal të Zi e Bosnjë e Hercegovinë duke thënë se këtë situatë e nisi Dritan Abazoviqi.

    “E shoh si shqetësim që Serbia të gjithë teknologjinë ushtarake e ka të koncentrume në këtë pjesë. Por kudo që është brenda Serbisë paraqet rrezik edhe po të mos jetë afër kufirit me Kosovën, por cdo herë NATO vëzhgon në mënyra të shumta çdo lëvizje që paraqet rrezik për vendin ku ata kanë përgjegjësi, ata marrin masat e duhura”, ka deklaruar Ibishi.

    Më 19 prill, Forcat e Armatosura Serbe mbajnë stërvitjet vjetore në poligonin Peshter.

    Misioni paqeruajtës i NATO-s në Kosovë, KFOR, ka njoftuar se shefi i këtij misioni, gjeneralmajori, Ozkan Ulutas, do të vëzhgojë stërvitjet në Serbi, për të cilat Beogradi ka njoftuar KFOR-in për përgatitjet për mbajtjen e tyre.

    Kurti sot u pyet nga gazetarët lidhur me situatën në veriun e Kosovës, të banuar me shumicë serbe.

    Ai tha se në veri, organet kosovare të sigurisë janë “të pranishme dhe funksionale”, por shtoi se 30 kilometra larg kufirit me Kosovën, Serbia po kryen stërvitje ushtarake.

    “Ata sot do të bëjnë ushtrime me dronë luftarakë kamikazë dhe vendi ku do të bëhen këto ushtrime, përveç se është 30 kilometra larg kufirit të Kosovës, është vetëm 3 kilometra larg kufirit të Serbisë me Malin e Zi. Kjo është edhe një dëshmi që Serbia është autoriteti, instanca, faktori e aktori kryesor i përpjekjeve destabilizuese për rajonin e Ballkanit Perëndimor dhe paraqet kërcënim edhe për Republikën tonë, që ata nuk e njohin, por edhe për sigurinë e të gjithë qytetarëve në rajonin tonë”, tha Kurti.

    Ndërkaq, Ministria e Mbrojtjes e Serbisë tha se stërvitjet po mbahen me qëllim të përmirësimit të aftësive trajnuese të komandave dhe njësive të ushtrisë serbe për të zgjidhur sfidat taktike gjatë përgatitjeve dhe kryerjeve të operacioneve luftarake.

    Punimet në rrjet, KEDS njofton për ndërprerjen e energjisë-elektrike
    Nga Rubrika
    Lajme25 Maj 2024
    Ata që ranë për çlirim, tani përkujtohen në mënyra të ndryshme. Një prej tyre është edhe dhurimi i gjakut, siç veprohet tash...
    Lajme25 Maj 2024
    Letra drejtuar liderëve të partive parlamentare nga ana e kreut të PDK-së, Memli Krasniqi po vlerësohet si test i gatishmërisë së partive...
    Lajme25 Maj 2024
    E përditshmja amerikane, “The New York Times”, ka publikuar një artikull të gjatë për Richard Grenellin. Gazeta ka biseduar me 40 persona,...
    Të tjera
    Sport25 Maj 2024
    Kaiserslautern dhe Bayer Leverkuseni po përballen në kuadër të finales së Kupës së Gjermanisë për sezonin 2023/2024. ‘Aspirinat’ e kanë gjetur veten...
    Bota/Rajoni25 Maj 2024
    Të paktën dy persona janë vrarë pasi një dyqan i mbushur me njerëz në qytetin ukrainas të Kharkiv u godit nga sulmet...
    Lajme25 Maj 2024
    Me një organizim nga PDK-ja, sot në Finlandë, u themelua Këshilli për Organizimin e Kuvendit të partisë atje. Ky këshill prej 24...
    Lajme25 Maj 2024
    Zëvendëskryeministrja dhe ministrja e Punëve të Jashtme dhe Diasporës, Donika Gërvalla, në kuadër të vizitës zyrtare në Uashington D.C mbajti një ligjëratë...
    Lajme25 Maj 2024
    Ministri i Punëve të Brendshme, Xhelal Sveçla, ka bërë të ditur se me ftesë të Federatës së Çiklizmit të Kosovës dhe grupit...
    Sport25 Maj 2024
    Është mbyllur xhiro e fundit e Superligës së Kosovës në futboll, ku Ballkani e ka mposhtur Prishtinën, ndërsa Gjilani e ka siguruar...

    FrontOnline, © 2024 Të gjitha të drejtat e rezervuara.