Sindikatat, ajo e Arsimit dhe Shëndetësisë, nuk kanë hequr dorë nga kërkesat e tyre, ani pse nuk e mbajtën grevën që e patën paralajmëruar.
Kryetari i SBASHK-ut, Rrahman Jasharaj në një prononcim për Front Online thotë se nëse deri në mars nuk do të realizohen këto premtime, atëherë do të jetë një situatë e keqe.
“Deri në fund të marsit arsimi në Kosovë do të jetë i qetë, por nëse deri atëherë nuk realizohen premtimet do të jetë një situatë vërtetë e keqe, dhe është anëtarësia çfarë tutje”, tha ai për Front Online.
Ndërsa, ajo e shëndetësisë ka kërkuar që deri në miratimin e Ligjit të Pagave të kenë rritje të pagave.
Kryesindikalisti, Blerim Syla për Front Online tha se në janar do të mblidhet këshilli drejtues që të vendos.
“Vendimin e merr këshilli drejtues, pas festave mblidhet këshilli drejtues në janar dhe e shohim, nëse reflektojmë atëherë vendos këshilli drejtues, nuk vendosi unë”, deklaroi ai për Front Online.
Sindikalistët paralajmërojnë Kurtin: Viti 2022, vit i protestave!