Duke qenë se numri i personave që vuajnë nga diabeti në botë po rritet, është e qartë se duhen kontrolluar simptoma të tilla si lodhja dhe urinimi i shpeshtë. Sëmundja shfaqet kur trupi nuk prodhon insulinë (si në tipin 1) ose nuk prodhon mjaftueshëm insulinë (si në tipin 2), përcjell FrontOnline.

Simptomat e diabetit të tipit 2 janë të lehta për t’u humbur, sepse ato mund të zhvillohen ngadalë. Në funksion të kësaj, mjekët paralajmërojnë t’i kushtojnë vëmendje simptomave të mëposhtme.

Urinim më i shpeshtë

Urinimi më i shpeshtë, veçanërisht gjatë natës, mund të jetë shenjë e diabetit. Sheqeri grumbullohet në gjak në vend që të hyjë në qeliza dhe veshkat punojnë jashtë orarit për të hequr qafe sheqerin e tepërt në gjak, ndaj shkojmë më shpesh në tualet.

Etje e shtuar

Kur ka shumë sheqer në gjak, qelizat i japin gjakut më shumë ujë në përpjekje për të zbërthyer sheqerin, kështu qelizat mbeten të dehidratuara. Për shkak se qelizat janë të dehidratuara, ato dërgojnë një sinjal në trupin tuaj se keni etje, kështu që njerëzit pinë shumë më tepër ujë.

Lodhje

Kur keni diabet të tipit 2, trupi juaj nuk mund të marrë mjaftueshëm glukozë në qelizat tuaja, kështu që një simptomë e zakonshme është ndjenja shumë e lodhur.

Humbje peshe

Ne zakonisht e ruajmë sheqerin e tepërt si yndyrë dhe trupi punon më shumë sepse nuk e fut sheqerin në qeliza dhe ende ka nevojë për energji, kështu që energjia fitohet duke zbërthyer qelizat dhjamore. Si rezultat, njerëzit humbin peshë.

Kruajtje gjenitale ose infeksion maja

Kruarja e organeve gjenitale mund të shfaqet në diabetin e tipit 2, sepse sheqeri ekskretohet në urinë dhe kjo krijon një mjedis ideal për rritjen e baktereve, kështu që ka një tendencë të shtuar për infeksione, veçanërisht ato urinare.

Plagët që kërkojnë më shumë kohë për t’u shëruar

Kur keni një plagë, keni nevojë për energji shtesë për të përballuar problemin. Në diabetin e tipit 2, trupit i mungon energjia dhe lëndët ushqyese nuk arrijnë në zonat që duhet. Më pas bakteret ushqehen dhe shumohen, kështu që plagët shërohen ngadalë.

Nëse keni ndonjë nga këto simptoma, kontaktoni mjekun tuaj për vlerësim dhe këshilla, raporton FrontOnline.