Kjo është historia e pabesueshme e futbollistit më të keq që ka luajtur ndonjëherë në Premeirligë.

Afati kalimtar është gjithmonë i ngarkuar, derisa klubet duan përforcime, teksa futbollistët negociojnë kontratat më të mira të mundshme, shkruan FrontOnline.

Në afatin kalimtar të vitit 1996, ndodhi mashtrimi më i madh në Premierligën angleze.

Protagonist ishte legjendari senegalez Ali Dia.

Bëhet fjalë për njeriun që e mashtroi Southamptonin.

Trajneri i aso kohe e Southamtonit, Graeme Souness bëri gabim të madh duke transferuar Ali Dia, i cili luajti për disa klube amatore në Gjermani dhe Francë.

“George Weah më thirri dhe ma rekomandoi atë. Ai kishte luajtur në Francë dhe Gjermani”, tha ai.

Në fund të vitit 1996, Southamptoni ishte nikoqir i Leeds Unitedit në shtëpi dhe pas 30 minutash lojë, Dia hyri në fushë.

Dia dukej krejtësisht i humbur në fushë, vraponte pa objektiva dhe ishte larg pozicionit të tij.

Souness i mërzitur e kishte nxjerrë nga loja në minutën e 85-të, derisa futbollisti u largua nga fusha duke buzëqeshur.

Të gjithë ishin të tronditur nga paraqitja e Dias si tifozët, bashkëlojtarët, trajnerët por edhe gazetarët.

Ndonëse Sounessit iu tha se Dia kishte luajtur për PSG-n, kjo nuk kishte ndodhur asnjëherë pasi ai mezi kishte marrë minuta edhe në ndeshjet amatore të futbollit francez e gjerman./FrontOnline/