×
  • Bota/Rajoni
  • Bota/Rajoni

    Shtëpia e Bardhë: Zbulim i rëndësishëm për trajtimin e Covid-19

    FrontOnline
    23 Gusht 2020

    Shtëpia e Bardhë tha se Presidenti Donald Trump do të njoftojë të dielën në mbrëmje një “zbulim tejet të rëndësishëm që lidhet me një terapi” për trajtimin e koronavirusit. Pandemia ka shkaktuar deri tani më shumë se 176 mijë të vdekur në SHBA dhe ka infektuar mbi 5.6 milionë të tjerë, më shumë se në çdo vend tjetër të botës. Njoftimi pason një postim në Twitter të shtunën nga Presidenti Donald Trump, ku akuzonte punonjësit e Administratës Amerikane të Ushqimit dhe Barnave se po punonin për të ngadalësuar testimin e vaksinave kundër COVID-19 duke e lënë atë qëllimisht pas zgjedhjeve presidenciale të nëntorit.

    Trump shkruante se ngadalësimi është pasojë e të ashtuquajturit “shtet brenda shtetit”, një teori konspiracioni sipas së cilës brenda sistemit politik amerikan po zhvillohet një komplot nga një qeveri e fshehur, brenda qeverisë së zgjedhur në mënyrë të ligjshme. Por Presidenti nuk ofroi ndonjë provë lidhur me këtë pohim të tij.

    Komentet e Trump pasojnë gjithashtu një artikull të botuar nga agjencia “Reuters” të enjten ku thuhej se një zyrtar i lartë i Administratës së Ushqimit dhe Barnave kishte bërë të ditur se do të largohej nga detyra nëse administrata Trump miratonte një vaksinë përpara se ajo të shpallej e sigurt dhe efektive.

    Po presidenti shkruante të shtunën se: “Duhet të përqëndrohemi tek shpejtësia e të shpëtojmë jetë njerëzish”.

    Sekretarja e shtypit të Shtëpisë së Bardhë, Kayleigh McEnany tha të shtunën vonë në mbrëmje se sekretari për Shëndetit dhe i Burimeve Njerëzore Alex Azar dhe shefi i Administratës së Ushqimit dhe Barnave, Stephen Hahn do të jenë të pranishëm kur zoti Trump të bëjë publik lajmin mbi terapitë. Një zhvillim ky që vjen një ditë përpara fillimit të Kuvendit Kombëtar Republikan, ku Trump do të riemërohet për të garuar për një mandat të dytë në Shtëpinë e Bardhë.

    Ekspertë të shumtë të shëndetësisë kanë thënë se vaksina kundër koronavirusit nuk do të jetë në dispozicion deri para fundit të këtij viti ose në fillim të vitit 2021, duke theksuar se do të jetë gati vetëm pasi të rezultojnë me sukses provat klinike mbi efikasitetin e saj, të cilat kanë nisur tashmë në disa vende, duke përfshirë SHBA’në.

    Trump është akuzuar nga Biden dhe demokratët se ka dështuar me trajtimin e pandemisë në vend. Por Presidenti ka thënë shpesh se gjetja e një trajtimi ndaj sëmundjes infektive është pranë dhe ka pohuar se virusi thjesht do të zhduket.

    Ish-Nënpresidenti Biden, i cili pranoi emërimin për presidentin nga demokratët javën e kaluar akuzoi Trump se edhe: “pas gjithë kësaj kohe, nuk ka ende një plan për të luftuar pandeminë. Ai nuk arriti të mbrojë Amerikën”, tha zoti Biden duke e konsideruar këtë një gjë të pafalshme.

    Të dielën shefi i Personelit në Shtëpinë e Bardhë Mark Meadows i doli në mbrojtje postimit në Twitter të Presidentit Trump gjatë një interviste për rrjetin televiziv “Fox News”.

    Meadow u ankua mbi ritmin e testimeve të mbikëqyrura nga Administrata e Ushqimit dhe Barnave.

    “Ne nuk do t’i biem shkurt në raport me proceset kërkimore”, tha zoti Meadows. “Ne do të shkurtojmë burokracitë. Unë e përshëndes Pnresidentin lidhur me këtë postim të tij”.

    Senatori Chris Coons, një mbështetës i Biden, tha në një intervistë për “Fox News” se presidenti Trump “ka dështuar të veprojë me përgjegjësi” në trajtimin e koronavirusit.

    “Ai ka humbur rrugën dhe nuk pranon ndihmë. Donald Trumpi ka dështuar të përballet me këtë pandemi”, shtoi Coons./voa

     

    Udhëto shpejt dhe sigurt nga Prishtina drejt Köln me PrishtinaTicket
    Nga Rubrika
    Bota/Rajoni25 Maj 2025
    Kur turistët thonë se do të donin të merrnin me vete një pjesë të vendit të tyre të preferuar në shtëpi, ndonjëherë...
    Bota/Rajoni25 Maj 2025
    Ish-presidenti amerikan, Joe Biden mori pjesë të premten në ceremoninë e diplomimit të nipit të tij. Kjo ishte paraqitja e tij e...
    Bota/Rajoni25 Maj 2025
    Në një video-adresim mbrëmjen e 24 majit, Presidenti i Ukrainës, Volodymyr Zelenskyy, njoftoi kthimin e 307 ushtarëve ukrainas nga robëria ruse, si...
    Të tjera
    Bota/Rajoni25 Maj 2025
    Në një video-adresim mbrëmjen e 24 majit, Presidenti i Ukrainës, Volodymyr Zelenskyy, njoftoi kthimin e 307 ushtarëve ukrainas nga robëria ruse, si...
    Lajme24 Maj 2025
    Ish-komandanti suprem i forcave të NATO-s për Evropën, Wesley Clark, ka shprehur shqetësim serioz për situatën politike në Kosovë, duke theksuar se...
    Lajme24 Maj 2025
    Nënkryetari i Lidhjes Demokratike të Kosovës (LDK), Lutfi Haziri, tha se ndërrimi i votimit në Kuvend për ta votuar të parinë e...
    Lajme24 Maj 2025
    Një tjetër përpjekje për konstituimin e legjislaturës së nëntë të Kuvendit të Kosovës do të bëhet nesër. Kjo do të jetë seanca...
    Bota/Rajoni24 Maj 2025
    Regjisori i njohur shqiptar, Piro Milkani, ka vdekur në moshën 86-vjeçare, duke lënë një trashëgimi të pasur dhe të paharrueshme në kinematografinë...
    Bota/Rajoni24 Maj 2025
    Ish-presidenti Joe Biden mori pjesë të premten në ceremoninë e diplomimit të nipit të tij nga shkolla e mesme, duke shënuar paraqitjen...
    -->

    FrontOnline, © 2025 Të gjitha të drejtat e rezervuara.