×
  • Lajme
  • Lajme

    Shqetësuese/34 raste të ‘Tentim-vrasjeve’ në Kosovë vetëm gjatë këtij viti

    FrontOnline
    25 Maj 2024

    Rastet e vrasjeve në tentativë, plagosjeve e përleshjeve mes qytetarëve po ndodhin në masë të madhe kohëve të fundit.

    Raste të tilla vetëm brenda dy ditëve ndodhën gjatë kësaj jave, njëri rast në Pejë e tjetri në Prizren, ku pas përleshjeve quan në plagosje të gjashtë personave.

    Shqetësuese janë raportet e policisë për vrasje në tetnativë vetëm gjatë katër mujorëshit të parë për vitin 2024.

    Policia e Kosovës tregon për Front Online se gjatë periudhës kohore janar-prill 2024 numri i rasteve të raportuara nga vepra penale ‘Vrasje në tentativë” është 34.

    Për njohësit e çështjeve të sigurisë dhe anëtarin e Komisioni për Siguri kjo shifër është shumë shqetësuese për shoqërinë tonë. Por sipas tyre, po ndodhin për shkak se ekziston një numër enorm i armëve në duart e qytetarëve.

    Berisha: Dhuna vjen si pasojë e keqqeverisjes, shkaktuan ambient të pashpresë në Kosovë

    Hisen Berisha, anëtar i Komiison për Siguri thotë për Front Online se kjo dhunë vjen si pasojë e keqqeverisjes për shkak të një ambienti të pashpresë që ka krijuar tek qytetarët e këtij vendi.

    “E tëra kjo dhunë vjen si pasojë e gjendjes së krijuar nga keqeverisja e vendit, dhe nuk është faj i organeve ligjzbatuese, sa është faji i ambientit të pashpresë, që ka krijuar qeveria e Kosovës sepse për 10 vite sa ishte në opozitë, mbolli dëshpërim, urrejtje, përqarje e pasiguri dhe tani kur erdhi në qeverisje, pos dëshpërimit e pasigurisë, krijoi edhe një situatë të keqe ekonomike. Kjo krizë ekonomike pastaj gjeneron ambient për kriza të karakterit socio-ekonomik e psikologjik. Po reflekton te qytetarët me konflikte pa mundësi t’i zgjidhin këto probleme ndryshe, pos me dhunë, si në familje ashtu edhe në shoqëri”, tha ai.

    Për Berishën, organet e drejtësisë duhet t’i rrisin kapacitetet, bashkë me ato të rendit dhe sigurisë, për t’i luftuar këto fenomene.“Organet e drejtësisë duhet t’i rrisin kapacitetet, bashkë me ato të rendit dhe sigurisë, për t’i luftuar këto fenomene, për të cilat është i shqetësuar mbarë populli”.

    Islami: Në Kosovë ekziston një numër enorm i armëve në duartë e qytetarëve

    Avni Islami, njohës i sigurisë thotë se rritja e numrit të vrasjeve, plagosjeve duhet të na brengos si shoqëri e të jetë alarm për institucionet.

    “Rritja e numrit të vrasjeve e plagosjeve është një sinjal jo i mirë se shoqëria po kalon në një fazë ku njerëzit përmes armëve po përpiqen që t’i zgjidhin problemet e veta, kjo duhet të na brengos si shoqëri e në veçanti institucionet që do duhej të jenë një alarm se në Kosovë ekziston një numër enorm i armëve tek njerëzit e papërgjegjshëm”, theksoi Islami.

    Për njohësin e sigurisë, institucionet qeveritare do duhej përveç masave sensibilzuese, të merrnin edhe masa më represive për armët.

    “Përveç masave sensibilizuese që duhet të bëhet përmes organizatave jo-qeveritare, institucionet do duhej që me masa më represive të veprojnë duke i identifikuar e konfiskuar të gjithë ata që mbajnë armë pa leje e sidomos armë të gjata e luftarake që përdorën vetëm në luftë. Ky mund të jetë një element për ta zvogëluar numrin e plagosjeve”, tha Islami në Front Online.

    Sociologu Selishta: Duhet vetëdijësim i shoqërisë, por edhe ekonomia ndikon

    Sociologu Bekim Selishta thotë për Front Online duhet një vetëdijësim më i lartë i shoqërisë se problemet nuk duhet të zgjidhen

    “Tek ne duhet të jetë një vetëdijesim më i lartë i shoqërisë, ne jemi mësuar gjithçka të bëjmë me shantazhe dhe jo punë të sinqerta dhe mandej gjithçka na duket normale nëse fillojmë edhe këto probleme me i bërë se mendojmë që tejkalohen”, tha Selishta.

    Poashtu, sociologu apeluar që në shkolla fillore dhe të mesme duhet të ngrihet vetëdija përmes lëndëve shoqërore.

    “Diçka më serioze që duhet të trajtohet në shoqërinë tonë është që emisionet edukativo arsimor të ketë më shumë jo vazhdimisht seriale e probleme politike e të harrohen problemet e tjera. Problemet ekonomike ndikojnë. Në shkolla fillore dhe të mesme duhet të ngrihet vetëdija që të mesohen me lënda shoqërore që problemet kanë mundësi të zgjidhen edhe me dialog jo veç me vrasje e dhunë “, tha Selishta për Front Online.

    Fillon zyrtarisht Big Brother VIP Kosova 2, mirëpritet me duartrokitje nga publiku në studio
    Nga Rubrika
    Lajme15 Qershor 2024
    Njohës të çështjeve politike në vend e kanë kritikuar kryeministrin e Kosovës, Albin Kurti dhe atë të Shqipërisë, Edi Rama lidhur me...
    Lajme15 Qershor 2024
    Një nga premtimet kryesore të qeverisë Kurti në sektorin e shëndetësisë, Projektligji për Sigurimet Shëndetësore, pritet që të finalizohet dhe të dërgohet...
    Lajme15 Qershor 2024
    Kryeministri i Kosovës, Albin Kurti, merr pjesë në përurimin e Shtegut të Lirisë “Pashtriku”. Ai do të jetë i pranishëm në Has-Pashtrik...
    Të tjera
    Sport15 Qershor 2024
    Sot Shqipëria do të përballet me Italinë në “Signal Iduna Park”, stadiumin e Dortmundit, duke filluar nga ora 21:00. Pra kanë mbetur...
    Lajme15 Qershor 2024
    Instituti Hidrometeorologjik bën të ditur se sot do të mbajë mot me diell dhe vranësira të shpërndara. IHK njofton se temperaturat minimale...
    Lajme15 Qershor 2024
    Sot do të zhvillohet një aksion simbolik para objektit të ri të Spitalit në Ferizaj. Këtë aksion e kanë ndërmarrë Rinia Demokratike...
    Sport15 Qershor 2024
    Kampionati Evropian i futbollit 2024 ka filluar të premten, më 14 qershor, me ndeshjen hapëse të Grupuit A, mes nikoqires Gjermanisë dhe...
    Lajme15 Qershor 2024
    Sot do të fillojë Samiti për paqe për Ukrainën, që do të mbahet në Burgenstok të Zvicrës, ku do të marrë pjesë...
    Lajme15 Qershor 2024
    Policia e Kosovës, pas informacioneve të pranuara nga Agjencia e Kosovës për Inteligjencë, ka gjetur dhe sekuestruar dje një sasi armatimi në...

    FrontOnline, © 2024 Të gjitha të drejtat e rezervuara.