Shpend Ahmeti është shoqëruar në një ndejë private me dy ish-ministrat e PDK-së në Qeverinë e Kosovës, Uran Ismailin e Abelard Tahirin, shfaq një video-incizim i publikuar të hënën në rrjetet sociale.
Kreu i Komunës së Prishtinës dhe dy zyrtarët e Partisë Demokratike të Kosovës shihen duke u argëtuar me muzikë live, të mbledhur rreth një tavoline ku shoqëroheshin edhe nga disa persona të tjerë.
Siç tregon një video e publikuar nga portali Kosova Post, Ahmeti, Ismaili e Tahiri nuk respektojnë masat anti-COVID të rekomanduara nga Qeveria e Kosovës. Nuk kanë maska dhe nuk e respektojnë distancën sociale.
