Futbolli anglez ka marrë ditën e sotme një lajm aspak të mirë.
Futbollisti i talentuar, Daniel Barden është diagnostifikuar me kancer në testikuj.
Lajmin e ka bërë të ditur klubi i Norwich Cityt, skuadër kjo ku edhe aktivizohet lojtari.
“Të gjithë në klub i urojnë Danit më të mirat gjatë trajtimit. Qëndro i fortë, Dan”, thuhet në postimin e Norwich Cityt.
Daniel Barden do të mbetet jashtë fushave të blerta për një kohë të gjatë.
20-vjeçari ishte huazuar këtë sezon në elitën e futbollit skocez te Livingston, por ka luajtur në vetëm një ndeshje.